Швейтсария парламентидаги беш партиядан сиёсатчилар мамлакатдан транзит тарзида ўтаётган, бироқ тунаб қолмайдиган хорижлик ҳайдовчиларга махсус солиқ жорий этишни таклиф қилишди. Таклифга кўра, бу “транзит солиғи” транспорт оқимининг зичлигига қараб ўзгариб туради.
“Агар тирбандлик кучли бўлса — нарх баландроқ бўлиши керак, агар паст бўлса — арзонроқ”, — дейди “Марказ” партияси вакили, Ури кантони вакили Симон Штадлер.
Депутатнинг айтишича, Ури аҳолиси дам олиш кунлари ва байрамларда юзага келадиган километрлар давом этувчи тирбандликлардан чарчаган. У матбуотга берган интервьюсида янги тартиб хорижликларни камситади деган танқидлар “кўнглини бироз тўйдирганини” айтди. “Катта тирбандлик — бу Ури аҳолиси учун юк”, — дейди Штадлер.
Қайд этилишича, янги солиқ Швейтсарияда автомобиль йўлларидан фойдаланиш учун жорий йиллик тўлов — тахминан 43 еврога қўшимча равишда олинади.
