"Reuters" agentligi tarqatgan ma’lumotga ko‘ra, Yevropa tashqi ishlar vazirlari va Yevropa Ittifoqi bosh diplomati bir oy avval Isroil va AQSHning Eron yadroviy inshootlariga uyushtirgan hujumlari ortidan Eron tashqi ishlar vaziri Abbos Araqchi bilan telefon orqali muloqot qilgan.
Agentlikka fransuz diplomatik manbasining ma’lum qilishicha, vazirlar Eronni tekshiriladigan va mustahkam kelishuvga erishish bo‘yicha sa’y-harakatlarni zudlik bilan qayta boshlashga chaqirib, rad etilgan taqdirda sanksiyalarni darhol tiklash mexanizmidan foydalanish bilan tahdid qilgan.
Biroq X (Twitter) sahifasida Abbos Araqchi tahdidni rad etib, Yevropa tashqi ishlar vazirlariga joriy yilning iyun oyida muzokaralar stolidan chiqib, Eronni emas, harbiy yo‘lni tanlagan Qo‘shma Shtatlar ekanligi haqida yozdi. U ularni "mas’uliyat bilan harakat qilishga, tahdid va bosim siyosatidan voz kechishga, jumladan "qasoskor yoki qonuniy asosga ega bo‘lmagan" siyosatdan voz kechishga chaqirganini aytdi.
Eron bosh diplomati, shuningdek, muzokaralar faqat "boshqa tomon adolatli, muvozanatli va o‘zaro manfaatli yadroviy kelishuvga tayyor bo‘lganda" mumkin bo‘lishini qo‘shimcha qilgan.
"Agar Eron qoidabuzar ekani aniqlansa, "tezkor javob"dan BMT sanksiyalarini Xavfsizlik Kengashining kelishuvni mustahkamlovchi rezolyutsiya muddati 18 oktyabrda amal qilish muddati tugaguniga qadar qayta joriy qilish uchun foydalanish mumkin, – deya xabar beradi Reuters. – Jarayon taxminan 30 kun davom etadi".
Qayd etilishicha, Tehron diplomatiyaga ochiqligi haqidagi bayonotlariga qaramay, Vashington bilan muzokaralarning oltinchi davrasi tez orada qayta tiklanishiga ishonch juda kam.
"Agar shunday qilsa ham, diplomatlarning aytishicha, avgust oyi oxirigacha yevropaliklar belgilagan muddat keng qamrovli kelishuvga erishish, ayniqsa, MAGATE inspektorlari ishtirokisiz, real bo‘lmagandek ko‘rinadi", – deyilgan "Reuters" manbasida
Eslatib o‘tamiz, Isroil va Eron o‘rtasidagi jangovar harakatlar fonida Germaniya, Fransiya va Buyuk Britaniya tashqi ishlar vazirlari 20 iyun kuni Jenevada Eron tashqi ishlar vaziri Abbos Araqchi bilan uchrashgan edi.
