Bosh prokuratura huzuridagi Departamentning ma’lum qilishicha, Paxtaobod tumanida o‘tkazilgan tergovga qadar tekshiruvda avval sudlangan O.X. va uning sherigi T.K. fuqaro B.M.ni aldab, uning turmush o‘rtog‘ini Qirg‘izistondan Andijon davlat universitetiga o‘tkazib berish bahonasida 2 500 dollar va 9,6 million so‘mni o‘zlashtirgan. Hozirda usbu mablag‘dan 700 dollar qaytarilib, tegishli rasmiylashtirish ishlari amalga oshirilgan.
Shuningdek, Qashqadaryo viloyati Kasbi tumanida ham shubhali holat qayd etildi. Fuqaro N.G. qo‘shni Qozog‘istondagi oliygohda o‘qigani haqida soxta hujjat tayyorlab, Qarshidagi xususiy universitetga qabul qilish va’dasi bilan Q.J.dan 1 000 dollar olgan paytda ashyoviy dalillar bilan ushlangan.
Har ikki holat bo‘yicha Jinoyat kodeksining tegishli moddalari — 168-modda (firibgarlik) va 28, 211-modda (pora berish) asosida jinoyat ishi ko‘zgatilib, tergov harakatlari olib borilmoqda.
