Oʻzbekistonliklar asosan necha yoshdan oila qurayotgani maʼlum boʻldi. Bu haqda Milliy statistika qoʻmitasi axborot xizmati xabar berdi.
Bildirilishicha, 2025 yilning yanvar-iyun oylarida FHYeO organlarida respublika boʻyicha 95 275 ta nikoh holatlari qayd etilgan.
Qayd etilgan nikohlarda erkaklar 20 yoshgacha – 1,4 %, 20-30 yosh – 79,3 %, 31-40 yosh – 13,2 %, 41 yosh va undan kattalar – 6,1 % ni tashkil qilgan. Ayollar esa 20 yoshgacha – 34,0 %, 20-30 yosh – 54,2 %, 31-40 yosh – 9,1 %, 41 yosh va undan kattalar – 2,7 % dan iborat.
