Ўзбекистонликлар асосан неча ёшдан оила қураётгани маълум бўлди. Бу ҳақда Миллий статистика қўмитаси ахборот хизмати хабар берди.
Билдирилишича, 2025 йилнинг январь-июнь ойларида ФҲДЁ органларида республика бўйича 95 275 та никоҳ ҳолатлари қайд этилган.
Қайд этилган никоҳларда эркаклар 20 ёшгача – 1,4 %, 20-30 ёш – 79,3 %, 31-40 ёш – 13,2 %, 41 ёш ва ундан катталар – 6,1 % ни ташкил қилган. Аёллар эса 20 ёшгача – 34,0 %, 20-30 ёш – 54,2 %, 31-40 ёш – 9,1 %, 41 ёш ва ундан катталар – 2,7 % дан иборат.
