Qoʻshma Shtatlar Gazodagi bosqinni shu yil oxirigacha hal qila olishini kutmoqda. Bu haqda AQSh Prezidentining maxsus vakili Stiv Uitkoff kecha, 26 avgust kuni Oq uyda AQSh hukumat yigʻilishida maʼlum qildi.
“Biz u yoki bu yoʻl bilan mojaroni bir marta va butunlay hal qila olishimizga ishonamiz”, — deydi Uitkoff.
Uitkoffning soʻzlariga koʻra, HAMAS tinch yoʻl bilan yechimga tayyor ekani haqida signalar yubormoqda, Isroil esa anklavga yordamni oshirmoqda.
Shuningdek, AQSh Prezidenti Donald Trump bugun, 27 avgust kuni Oq uyda Gazo sektorini urushdan keyingi boshqaruvning keng qamrovli rejasini muhokama qilish uchun keng yigʻilish oʻtkazish niyatida ekanini aytdi.
Trump fevral oyida bu masalani oʻzining arab ittifoqchilariga qaratib, “Gazo sektorini qoʻlga olish va uning aholisini koʻchirish boʻyicha oʻz qarashlarini” taqdim etgan edi.
“Koʻp odamlar bu qanchalik oqilona va yaxshi niyat ekanini koʻradi va bu Prezident Trumpning insonparvarik niyatlarini aks ettirar”, dedi Uitkoff Trumpning bugun muhokama qilinishi rejalashtirilgan rejasining tafsilotlariga kirmasdan.
“The Times of Israel” shu munosabat bilan qayd etishicha, “Uitkoff birinchi marta AQShning “ertangi kun” (tinchlik kelishuvidan keyingi chora-tadbirlar) deb nomlangan rejasi mavjudligini oshkor qildi, chunki Vashington bu masalani mintaqadagi arab ittifoqchilariga qaratib qoʻydi. Gazetaning eslatishicha, bu gʻoya Trump falastinlik qochqinlarni qabul qilishga tayyor boʻlishiga umid qilgan “AQShning mintaqadagi hamkorlari tomonidan qatʼiyan rad etilgan”.
