Shavkat Mirziyoyevning SHT bo‘yicha maqolasi Xitoyning "China Daily" gazetasida chop etildi
Prezident maqolasida O‘zbekiston va SHT o‘rtasidagi strategik hamkorlik, mintaqaviy barqarorlik va taraqqiyot masalalari yoritilgan.
O‘zbekiston Respublikasi Prezidenti Shavkat Mirziyoyevning Xitoydagi nufuzli gazetalardan biri "China Daily"da "O‘zbekiston va SHT: umumiy tinchlik va taraqqiyot yo‘lidagi hamkorlik" nomli maqolasi chop etildi.
Mamlakatlarimiz o‘rtasidagi tovar ayirboshlamash 2017 yildan buyon uch karra o‘sdi va 14 milliard dollarni tashkil etdi. Yaqin yillarda bu raqamni 20 milliard dollarga etkazish mo‘ljallanmoqda. Ana shu davrda mamlakatimizga 24,6 milliard dollarlik Xitoy investitsiyalari jalb etildi.
🔹 2024 yilda yurtimizda va Markaziy Osiyoda birinchi marta BYD elektromobillariini ishlab chiqarish bo‘yicha korxona ishga tushirilgani, shuningdek, Toshkentda o‘zbekistonlik o‘quvchilar logistikaani boshqarish va axborot texnologiyalaridan foydalanish bo‘yicha zamonaviy ko‘nikmalarini egallayotgan “Luban ustaxonasi” ochilgani XXR bilan sanoat kooperatsiyasini rivojlantirishda yangi davrni boshlab berdi.
🔹 O‘zbekistonda xitoy tili va madaniyatini o‘rganishga Toshkent va Samarqanddagi Konfutsiy instituti, xitoy tilini biladigan xitoyshunos va mutaxassislarning yangi avlodini tarbiyalagan holda, katta hissa qo‘shmoqda.
🔹 Bu yil O‘zbekiston va Xitoy o‘rtasida vizasiz rejim joriy etilgani gumanitar hamkorlikni yanada chuqurlashtirish yo‘lidagi ulkan qadam bo‘ldi. Bu odamlar o‘rtasida yanada faol va samarali muloqotni, ishbilaromonlar hamkorligi va turizm almashuvlarini yo‘lga qo‘yish uchun shart-sharoit yaratadi.
🔹 Hech shubhasiz, hozirgi zamonaviy bosqichda o‘zbek-xitoy hamkorligi mintaqaning barqaror rivojlanishi va SHTning o‘zaro foydali bo‘lgan ko‘ptomonlama hamkorlik platformasi sifatidagi pozitsiyasini mustahkamlashga ko‘maklashadigan pragmatik va mutanosib sheriklik modeliga aylanib bormoqda (https://telegra.ph/%D0%8Ezbekiston-va-SH%D2%B2T-umumij-tinchlik-va-tara%D2%9B%D2%9Biyot-j%D1%9Elidagi-%D2%B3amkorlik-08-29) -
O‘zbekiston Respublikasi Prezidenti Shavkat Mirziyoyev.
