Шавкат Мирзиёевнинг ШҲТ бўйича мақоласи Хитойнинг "Сhina Daily" газетасида чоп этилди
Президент мақоласида Ўзбекистон ва ШҲТ ўртасидаги стратегик ҳамкорлик, минтақавий барқарорлик ва тараққиёт масалалари ёритилган.
Ўзбекистон Республикаси Президенти Шавкат Мирзиёевнинг Хитойдаги нуфузли газеталардан бири "China Daily"да "Ўзбекистон ва ШҲТ: умумий тинчлик ва тараққиёт йўлидаги ҳамкорлик" номли мақоласи чоп этилди.
Мамлакатларимиз ўртасидаги товар айирбошлаш 2017 йилдан буён уч карра ўсди ва 14 миллиард долларни ташкил этди. Яқин йилларда бу рақамни 20 миллиард долларга етказиш мўлжалланмоқда. Ана шу даврда мамлакатимизга 24,6 миллиард долларлик Хитой инвестициялари жалб этилди.
🔹 2024 йилда юртимизда ва Марказий Осиёда биринчи марта BYD электромобилларини ишлаб чиқариш бўйича корхона ишга туширилгани, шунингдек, Тошкентда ўзбекистонлик ўқувчилар логистикани бошқариш ва ахборот технологияларидан фойдаланиш бўйича замонавий кўникмаларини эгаллаётган “Лубан устахонаси” очилгани ХХР билан саноат кооперациясини ривожлантиришда янги даврни бошлаб берди.
🔹 Ўзбекистонда хитой тили ва маданиятини ўрганишга Тошкент ва Самарқанддаги Конфуций институти, хитой тилини биладиган хитойшунос ва мутахассисларнинг янги авлодини тарбиялаган ҳолда, катта ҳисса қўшмоқда.
🔹 Бу йил Ўзбекистон ва Хитой ўртасида визасиз режим жорий этилгани гуманитар ҳамкорликни янада чуқурлаштириш йўлидаги улкан қадам бўлди. Бу одамлар орасида янада фаол ва самарали мулоқотни, ишбилармонлар ҳамкорлиги ва туризм алмашувларини йўлга қўйиш учун шарт-шароит яратади.
🔹 Ҳеч шубҳасиз, ҳозирги замонавий босқичда ўзбек-хитой ҳамкорлиги минтақанинг барқарор ривожланиши ва ШҲТнинг ўзаро фойдали бўлган кўптомонлама ҳамкорлик платформаси сифатидаги позициясини мустаҳкамлашга кўмаклашадиган прагматик ва мутаносиб шериклик моделига айланиб бормоқда.
Ўзбекистон Республикаси Президенти Шавкат Мирзиёев.
