So‘nggi sakkiz yil ichida xususiy sektor ishtirokida maktabgacha ta’lim tizimi kengayib, bog‘chalardagi o‘rinlar soni 2,5 millionga yetkazildi.
Qamrov 78 foizni tashkil etmoqda. Maktab infratuzilmasi ham sezilarli darajada rivojlanib, 1 millionta qo‘shimcha o‘quvchi o‘rni yaratildi.
Maktablarda zamonaviy darsliklar va ilg‘or pedagogik yondashuvlar asosida ta’lim sifatini yangilanmoqda.
Shuningdek, oliy ta’lim qamrovi 9 foizdan 42 foizgacha oshirilib, xotin-qizlar ulushi 53 foizni tashkil etmoqda.
Ayni paytda 2 mingdan ziyod o‘zbekistonlik yoshlar dunyoning yetakchi universitetlarida tahsil olmoqda. Ularidan 750 nafari “El-yurt umidi” jamg‘armasi orqali davlat hisobidan o‘qish imkoniyatiga ega bo‘lgan.
Prezident ta’kidlaganidek, o‘tgan yili o‘zbekistonlik yoshlar TOP-500 talik oliygohlarga kirish bo‘yicha Markaziy Osiyoda birinchi o‘rinni egalladi — bu esa ota-onalar va butun jamiyat uchun g‘urur va quvonch manbaidir.
