Сўнгги саккиз йил ичида хусусий сектор иштирокида мактабгача таълим тизими кенгайиб, боғчалардаги ўринлар сони 2,5 миллионга етказилди.
Қамров 78 фоизни ташкил этмоқда. Мактаб инфратузилмаси ҳам сезиларли даражада ривожланиб, 1 миллионта қўшимча ўқувчи ўрни яратилди.
Мактабларда замонавий дарсликлар ва илғор педагогик ёндашувлар асосида таълим сифати янгиланмоқда.
Шунингдек, олий таълим қамрови 9 фоиздан 42 фоизгача оширилиб, хотин-қизлар улуши 53 фоизни ташкил этмоқда.
Айни пайтда 2 мингдан зиёд ўзбекистонлик ёшлар дунёнинг етакчи университетларида таҳсил олмоқда. Улардан 750 нафари “Эл-юрт умиди” жамғармаси орқали давлат ҳисобидан ўқиш имкониятига эга бўлган.
Президент таъкидлаганидек, ўтган йили ўзбекистонлик ёшлар ТОП-500 талик олийгоҳларга кириш бўйича Марказий Осиёда биринчи ўринни эгаллади — бу эса ота-оналар ва бутун жамият учун ғурур ва қувонч манбаидир.
