Oʻzbekiston Bosh konsulxonasi va Migratsiya agentligi xodimlari koʻmagida Rossiyaning Yekaterinburg shahrida mushkul ahvolda qolgan oʻn olti nafar hamyurtimiz bugun Vatanga olib kelindi.
Ushbu insonparvarik koʻmagi joriy yilning 30 iyulidan 30 avgustiga Oʻzbekistonda eʼlon qilingan "Vatanga qaytarish" tadbiri doirasida amalga oshirildi.
Oʻzbekistonga qaytarilgan yurtdoshlarimizning aksariyatini onalar va ularning voyaga yetmagan bolalari tashkil qiladi.
Mazkur yurtdoshlarimiz 30 avgust kuni diplomatlar tomonidan Yekaterinburg-Toshkent yoʻnalishidagi aviareysi orqali Oʻzbekistonga kuzatib qoʻyildi.
