DXX va bojxona xodimlari o‘tkazgan tezkor tadbirda uyidan minglab psixotrop dorilar chiqqan poytaxtlik fuqaro qo‘lga olindi.
Davlat xavfsizlik xizmati Toshkent viloyati boshqarmasi ma’lum qilishicha, kuzatuv ostidagi 1970 yilda tug‘ilgan shaxsning Uchtepa tumanidagi uyi ko‘zdan kechirilganda 1835 dona “Regapen” kuchli ta’sir qiluvchi dori vositalari topilgan.
Eng e’tiborli jihati — tarkibida ko‘p miqdorda pregabalin bo‘lgan ushbu psixotrop dorilar biologik faol qo‘shimcha (BFQ) idishlariga yashirincha joylab, dorixonalarda sotish rejalashtirilgan.
Ushbu holat yuzasidan fuqaroga Jinoyat kodeksining 251¹-moddasi 5-qismi bilan jinoyat ishi qo‘zg‘atildi va u ehtiyot chorasi sifatida qamoqqa olindi. Hozirda tergov harakatlari davom etmoqda.
