Yangi yil bayramlari munosabati bilan Toshkent metropoliteni va shahar avtoturargohlarining ish tartibida vaqtincha o‘zgarishlar joriy etiladi.
Ma’lum qilinishicha, 31 dekabr kuni metro poezdlari soat 05:00 dan 1 yanvar soat 01:00 gacha uzluksiz harakatlanadi. Bayram kunlari metro 31 dekabr va 2 yanvar kunlari shanba jadvali, 1 yanvar kuni esa yakshanba jadvali asosida ishlaydi. 5 yanvardan poezdlar odatdagi ish kunlari jadvaliga qaytadi.
Shuningdek, Yangi yil bayramlari sababli Toshkent shahridagi Poytaxt Parking avtoturargohlari 31 dekabrdan 4 yanvargacha bepul bo‘lishi ma’lum qilindi.
