Янги йил байрамлари муносабати билан Тошкент метрополитени ва шаҳар автотураргоҳларининг иш тартибида вақтинчалик ўзгаришлар жорий этилади.
Маълум қилинишича, 31 декабрь куни метро поездлари соат 05:00 дан 1 январь соат 01:00 гача узлуксиз ҳаракатланади. Байрам кунлари метро 31 декабрь ва 2 январь кунлари шанба жадвали, 1 январь куни эса якшанба жадвали асосида ишлайди. 5 январдан поездлар одатдаги иш кунлари жадвалига қайтади.
Шунингдек, Янги йил байрамлари сабабли Тошкент шаҳридаги Пойтахт Паркинг автотураргоҳлари 31 декабрдан 4 январгача бепул бўлиши маълум қилинди.
