Ukraina prezidenti Volodimir Zelenskiy 29 dekabr kuni Floridada AQSh prezidenti Donald Trump bilan o‘tgan muzokaralar natijalarini e’lon qildi. Uning so‘zlariga ko‘ra, Vashington Ukraina uchun kuchli xavfsizlik kafolatlarini qo‘llab-quvvatlagan va bu masalalar AQSh Kongressida ovozga qo‘yilishi kutilmog‘da.
Zelenskiyning ta’kidlashicha, tomonlar urushdan keyin Ukrainani iqtisodiy tiklash choralarini ham muhokama qilgan. Xususan, AQSh biznesi uchun Ukrainada maxsus shartlar yaratish va ikki davlat o‘rtasida erkin savdo kelishuvini ishlab chiqish rejalashtirilgan.
Shuningdek, prezidentlar 15 yillik xavfsizlik kafotatlari bo‘yicha kelishuvga erishgan, uni uzaytirish imkoniyati ham ko‘rib chiqilmog‘da. Zelenskiy bu muddatni 30–50 yilgacha kengaytirish taklifini bildirgan.
Muzokaralarda keyingi qadamlar ham belgilab olingan. Yaqin kunlarda AQSh va Yevropa davlatlari milliy xavfsizlik maslahatchilari ishtirokida uchrashuv o‘tkazish rejalashtirilmog‘da. Zelenskiyning aytishicha, tinchlik rejasini tasdiqlash uchun Ukrainada referendum o‘tkazish zarur, ammo buning uchun 60 kunlik sulh talab etiladi. U Rossiya hozircha bu taklifga rozi emasligini qayd etgan.
