Oʻzbekiston Respublikasi Prezidenti Administratsiyasi rahbari Saida Mirziyoyeva YUNESKO bosh direktori Xolid al-Anoniy bilan uchrashuv oʻtkazdi. Bu haqda u oʻzining ijtimoiy tarmoqdagi sahifasida maʼlum qildi.
Uchrashuvda Samarqand shahrida boʻlib oʻtgan YUNESKO Bosh konferensiyasining 43-sessiyasi yakunlari doirasida erishilgan kelishuvlarning amaliy ijrosi muhokama qilindi.
Tomonlar inson kapitali, sunʼiy intellekt va kreativ industriyalarni rivojlantirish, xotin-qizlar yetakchiligini qoʻllab-quvvatlash hamda madaniy merosni asrab-avaylash masalalariga alohida eʼtibor qaratdi.
"YUNESKO bosh qarorgohidagi har bir uchrashuv strategik sherikligimizni yanada chuqurlashtirish uchun yangi imkoniyatlar eshigini ochadi", deb yozdi Saida Mirziyoyeva.
