AQSh prezidenti Donald Trump 7 yanvar kuni Kolumbiya prezidenti Gustavo Petro bilan telefon orqali suhbatlashgani va uni Oq uyga taklif qilganini ma'lum qildi. Bu haqda u Truth Social ijtimoiy tarmog'ida yozdi.
Ma'lum qilinishicha, suhbat chog'ida ikki davlat o'rtasidagi munosabatlar, giyohvand moddalar muammosi hamda mavjud kelishmovchiliklar muhokama qilingan. Bu mulogot Trumpning Kolumbiyaga nisbatan harbiy choralar ko'rish mumkinligi haqidagi bayonotidan keyin bo'lib o'tgan ilk aloqa hisoblanadi.
Trumpning bildirishicha, Vashingtonda uchrashuvni tashkil etish ishlari boshangan, biroq aniq sana hozircha ochiqlanmagan. "Reuters"ga ko'ra, Gustavo Petro ham qo'ng'iroqni "samimiy va hurmatga asoslangan" deb baholab, ikki davlat munosabatlarini tiklash muhimligini ta'kidlagan.
Qayd etish joiz, Trumpning Oq uyga qaytishidan keyin AQSh va Kolumbiya yetakchilari o'rtasidagi munosabatlar sovuqlishgan edi.
