Bu haqda uning yaqin do‘sti va kinoproduser Dev Bossert Facebook sahifasida ma’lum qildi. “Do‘stimiz Rodjer Allers o‘zining navbatdagi sayohatiga otlangani haqidagi xabar meni chuqur qayg‘uga soldi”, — deb yozgan Bossert.
Rodjer Allers rejissyor, ssenariynavis va rassom sifatida tanilgan bo‘lib, u Disney studiyasining eng muvaffaqiyatli loyihalaridan biri — 1994 yilda ekranlarga chiqqan “Qirol sher” (“The Lion King”) multfilmining mualliflaridan biri edi. Ushbu loyiha uning rejissyorlik faoliyatidagi debyuti bo‘lgan.
Shuningdek, Allers Disneyning “Kichkina suv parisi” (“The Little Mermaid”, 1989) va “Aladdin” (1992) kabi mashhur multfilmlari ssenariylarida ham ishtirok etgan.
