O‘zgidromet ma’lumotiga ko‘ra, respublika hududlarida asosan yog‘ingarchilik kutilmaydi, ayrim joylarda tuman tushishi mumkin. Shamol sharqiy yo‘nalishdan g‘arbga o‘zgarib, 7–12 m/s tezlikda esadi.
Harorat Qoraqalpog‘iston va Navoiy shimolida kechasi 0–5° sovuq, kunduzi 3–8° iliq, markaziy hududlarda kechasi 0–5° iliq, kunduzi 10–15° iliq, janubda esa kunduzi 15–20° iliqqacha ko‘tariladi.
Farg‘ona vodiysida kunduzi 7–12° iliq bo‘ladi, tog‘li hududlarda kechasi 8–13° sovuq, kunduzi 2° sovuqdan 3° iliqqacha bo‘lishi prognoz qilinmoqda.
