Joriy yilning 5 fevral kuni qabul qilingan qonunga muvofiq, temiryo‘l transporti va metropolitenda harakat hamda tashish xavfsizligi talablarini buzgan mansabdor shaxslar va xizmatchilarga bazaviy hisoblash miqdorining (BHM) 10 baravari miqdorida jarima solinishi belgilandi.
Shuningdek, harakat va tashish xavfsizligi buzilishi bilan bog‘liq hodisalar yoki ular haqidagi ma’lumotlarni qasddan yashirish ham mansabdor shaxslar uchun BHMning 10 baravari miqdorida jarimaga sabab bo‘ladi.
Qonun bilan, shuningdek, avtomobil transportida tegishli hujjatsiz yo‘lovchi tashish, yo‘l haqi tariflarini oshirish, tasdiqlangan qatnov jadvaliga amal qilmaslik yoki yo‘nalish sxemasidan chetga chiqish uchun BHMning 3 baravari miqdorida jarima qo‘llanilishi nazarda tutildi.
Ushbu qonun rasmiy e’lon qilingan kundan e’tiboran uch oy o‘tgach kuchga kiradi.
