Bugun, 11 fevral kuni Toshkent shahrida joylashgan savdo majmuasining tom qismida yong‘in sodir bo‘ldi. Bu haqda Favqulodda vaziyatlar vazirligi axborot xizmati ma'lum qildi.
Qayd etilishicha, yong‘in “Novza” metrosi yaqinidagi savdo majmuasining tom qismida yuz bergan.
“Yong‘inni bartaraf etish uchun qutqaruv bo‘linmalari voqea joyiga yetib borib, binodan barcha fuqarolar evakuatsiya qilingan va yong‘in soat 18:19 da o‘chirildi”, — deyiladi rasmiy izohda.
Shuningdek, yong‘in oqibatida tan jarohati olganlar yo‘qligi ma'lum qilindi.
Eslatib o‘tamiz, avvalroq Poytaxtda “Aviator” savdo majmuasidan chiqqan yong‘in ortidan bir nafar yosh bola halok bo‘lib, hodisa ortidan jinoyat ishi ochilgani haqida xabar bergan edik.
