Lavrovning ta’kidlashicha, Rossiya TIV MDH davlatlariga ta’lim sohasida hamkorlikning turli shakllarini taklif etishga tayyor. U rus tilini yangi xalqaro tashkilotlar va boshqa formatlar doirasida targ‘ib qilish istiqbolli yo‘nalish ekanini aytdi.
Vazir MDH hududida ayrim ijobiy siljishlar kuzatilayotganini qayd etdi. Jumladan, Qirg‘iziston Prezidenti Sadi Japarov tashabbusi bilan amalga oshirilayotgan Rossiya–Qirg‘iziston ta’lim loyihasi alohida ta’kidlandi. Loyiha maktab va oliy ta’lim dasturlarini uyg‘unlashtirishni nazarda tutadi.
Ma’lum qilinishicha, Bishkekda ushbu mavzuga bag‘ishlangan tadbir o‘tkazilgan, yaqin vaqtda navbatdagi uchrashuv rejalashtirilmoqda. Uning yakunlari bo‘yicha xulosalar tayyorlanib, davlat rahbarlariga taqdim etiladi.
