Archa bayrami qaerda va qachon boshlanadi?(Foto)

Nafaqat poytaxtimizda, balki mamlakatimizning barcha  shahar va tumanlarida Yangi yil bayramini ko`tarinki ruhda nishonlashga qizg`in hozirlik ko`rilmoqda, deb xabar beradi O`zbekiston Respublikasi Madaniyat va sport ishlari vazirligi axborot xizmati.  

Bayram tadbirlarini yuqori saviyada tashkil etish va tinch-osoyishta o`tkazish maqsadida viloyat, tuman va shahar hokimliklari hamda mas`ul idoralar tomonidan maxsus ishchi guruhlar faoliyati yo`lga qo`yildi. 

Respublikamizning barcha tuman va shaharlaridagi markaziy xiyobonlar, maydonlarda bayram archalari o`rnatilib, bezatilmoqda. 

Poytaxtimiz aholisi va mehmonlari uchun kirib kelayotgan Yangi yil bayramini yuqori saviyada tashkil etish,  ayniqsa yoshlarni qishki ta`til kunlarini mazmunli o`tkazish,  shuningdek, mazkur ishlarni tashkil etishda qulay sharoitlar yaratish, ya`ni tashkil etiladigan savdo shaxobchalarnining to`laqonlik ishlashi, maydonlar va ko`cha hiyobonlarni zamonaviy va badiiy jihatdan bezash, namoyish etiladigan teatrlashgan Yangi yil spektakl va tomoshalarini badiiy jihatdan yuqori saviyada namoyish etilishi, o`rnatiladigan barcha texnik vositalarni - attraksion va o`yin qurilmalarini soz va havfsiz ishlashini ta`minlash hamda bayram tadbirlarini tinch va osoyishta o`tkazilishini tashkil etish maqsadida Vazirlar Mahkamasining 2016 yil 12 dekabrdagi "Toshkent shahrining "Mustaqillik va ezgulik” maydoni hamda shaharning boshqa maydonlarida Yangi yil bayrami madaniy tadbirlarini o`tkazishga tayyorgarlik ko`rish va o`tkazish chora-tadbirlari to`g`risida”gi 222-sonli majlis bayoni tasdiqlandi

Bayonnomaga muvofiq "Mustaqillik va ezgulik” maydoni, Shayxontohur tumani Xadra maydoni va "Lokomotiv-Anxor” bog`i yonidagi maydonlari, Yunusobod tumani Sayilgoh maydoni, Chilonzor tumani Algoritm dahasidagi "Roison Electronics” korxonasi oldi maydoni, Yashnobod tumani "Aviasozlar” shaharchasi maydoni, Mirzo Ulug`bek tumani "Lokomotiv” madaniyat va istirohat bog`i, Sirg`ali tumani "SUNDAY” supermarketi oldi maydoni hamda Bektemir tumani "Quyoshcha nuri” madaniyat va istirohat bog`larida 2016 yil 28 dekabrdan 2017 yil 8 yanvargacha Yangi yil bayrami madaniy tadbirlari o`tkazilishi belgilangan. Mazkur maydonlarda ulkan archalar, attraksionlar va o`yin qurilmalari, savdo rastalari, ekran hamda turli o`lchamdagi sahnalar o`rnatilib, Ayni paytda bezash ishlari amalga oshirilmoqda.

Tadbirlarda O`zbekiston badiiy jamoalar ijodiy birlashmasi, "O`zbeknavo” estrada birlashmasi san`atkorlari xamda poytaxtdagi teatr va sirk jamoalari, tumanlarda faoliyat ko`rsatayotgan folklor jamoalari va xonandalar faol qatnashishi ko`zda tutilgan. 

Bu yil poytaxtimiz aholisi va mehmonlari uchun kirib kelayotgan Yangi yil bayramini ommaviy nishonlash uchun  "LOKOMOTIV-ANXOR” BOG`I YoNIDAGI MAYDON tanlandi va bu hududda ulkan obodonlashtirish ishlari olib borildi. 

Salkam 4 gektar hududda bunyod bo`lgan bayram maydonining markazida, tabiiyki, ulkan archa qad ko`targan. "O`zmaxsusmontaj” aksionerlik jamiyatining "Chirchiqstalmontaj” MChJ ishchilari tomonidan barpo etilayotgan balandligi 26 metr, aylanasi 7,7 metr bo`lgan sun`iy archaning barcha ehtiyot qismlari, hattoki unga bezatiladigan o`yinchoqlar ham Rossiyadan keltirildi.  Qish ziynati bo`lmish ushbu archa 10 mingdan ziyod qo`g`irchoq va rang-barang tovlanuvchi chiroqlar bilan bezatilmoqda.

Salkam 4 gektar hududda bunyod bo`lgan bayram maydonining markazida, tabiiyki, ulkan archa qad ko`targan. "O`zmaxsusmontaj” aksionerlik jamiyatining "Chirchiqstalmontaj” MChJ ishchilari tomonidan barpo etilayotgan balandligi 26 metr, aylanasi 7,7 metr bo`lgan sun`iy archaning barcha ehtiyot qismlari, hattoki unga bezatiladigan o`yinchoqlar ham Rossiyadan keltirildi.  Qish ziynati bo`lmish ushbu archa 10 mingdan ziyod qo`g`irchoq va rang-barang tovlanuvchi chiroqlar bilan bezatilmoqda.

Shuningdek, Mirzo Ulug`bek nomidagi madaniyat va istirohat bog`i hududidagi 20 ta yangi attraksionlar va o`yin qurilmalari, 8 ta 5 metrli, 3 ta 10 metrli archa, 2 ta bioxojatxonalar hamda ulkan ekranlar o`rnatildi. Mazkur ekranlarda bolajonlar uchun milliy multfilmlarning namoyish etilishi hamda asosiy sahnadagi ekranda ijtimoiy video lavhalar, ya`ni mamlakatimizda amalga oshirilayotgan bunyodkorlik ishlari aks etgan videolavhalarni namoyish etilishi rejalashtirilgan.

"Mustaqillik va ezgulik” maydonida ham balandligi 27,8 metrli Yangi yil archasi o`rnatildi. Yangi archa bezaklari va o`yinchoqlar bilan bezash va bannerlar chop ettirish ishlari olib borilmoqda.