Ozarbayjon tashqi ishlar vaziri Jayhun Bayramovning aytishicha, bu masala Eron tashqi ishlar vaziri bilan telefon orqali muhokama qilingan va Tehron hodisani puxta o‘rganishga va’da bergan. Boku tomoni tekshiruv natijalarini kutmoqda.
Ma’lum qilinishicha, 5 mart kuni dron Naxichevon Muxtor Respublikasidagi xalqaro aeroport terminaliga zarba bergan, yana bir dron esa Shakorobod qishlog‘idagi maktab yaqiniga tushgan. Hodisadan so‘ng maktab o‘quvchilari va o‘qituvchili evakuatsiya qilingan.
Voqeadan keyin Mujtabo Demirchilu — Eronning Ozarbayjondagi elchisi Bokuqa chaqirilib, unga norozilik notasi topshirildi. Ilhom Aliyev hujumni "terroristik harakat" deb atab, Erondan uzr so‘rashni talab qildi. Shuningdek, Rajab Toyib Erdo‘g‘an ham hujumni keskin qoraladi.
Naxichevon Ozarbayjonning Turkiya, Eron va Armaniston bilan chegaradosh eksklavi bo‘lib, Janubiy Kavkazda strategik ahamiyatga ega hudud hisoblanadi.
