Shimoliy Koreya etakchisi Kim Chen In mamlakat Oliy xalq majlisining sessiyasidan so‘ng yana Prezident etib qayta saylandi. U 99.93 foiz ovoz bilan tasdiqlangan, saylovda ishtirok etish darajasi esa 99.99 foizni tashkil etgan.
Pxenyanda o‘tkazilayotgan yig‘ilishda sotsialistik konstitutsiyaga o‘zgartirishlar kiritish, shuningdek, davlat rahbarlik organlarini shakllantirish masalalari ko‘rib chiqilmogda. Shu bilan birga, mamlakatning yangi besh yillik iqtisodiy rejasi ham muhokama qilinmogda.
Ayni paytda Kim Chen Inning Janubiy Koreyaga nisbatan "ikki dushman davlat" siyosatini konstitutsiya darajasida mustahkamlash ehtimoli diqqat markazida turibdi. U so‘nggi yillarda ikki davlatni birlashtirish g‘oyasidan voz kechganini bildirgan.
Shuningdek, uning singlisi Kim Yo Chjong Davlat ishlari komissiyasi tarkibida ko‘rinmagan. Mutaxassislar buni uning ta’siri pasaygani emas, balki vazifalar qayta taqsimlangan bilan izohlashmogda.
