Toshkent shahrida 13 iyun kuni kam bulutli va quruq ob-havo bo‘lishi kutilmoqda. Yog‘ingarchilik kuzatilmaydi. Kunduzi havo harorati 33–35 daraja, kechasi esa 20–23 daraja atrofida bo‘ladi. Shamol 3–8 m/s tezlikda esadi, ayrim joylarda 10–12 m/s gacha kuchayib, chang-to‘zonlar kuzatilishi mumkin. Bu haqda "O‘zgidromet" ma’lum qildi.
13 iyun kuni O‘zbekistonning aksariyat hududlarida quruq va kam bulutli ob-havo saqlanib turadi. Faqat Qoraqalpog‘iston Respublikasida ayrim joylarda qisqa muddatli yomg‘ir yog‘ishi va momaqaldiroq bo‘lishi mumkin.
Kunduzi havo harorati 36–38 darajagacha ko‘tariladi. Cho‘l hududlarida 40 darajagacha, mamlakatning eng janubiy tumanlarida esa 42 darajagacha isishi kutilmoqda.
Sharqdan esadigan shamol tezligi 7–12 m/s ni tashkil etadi. Ayrim hududlarda shamol 13–18 m/s gacha kuchayishi, chang-to‘zonlar kuzatilishi mumkin. Shimoliy va cho‘l hududlarda esa shamolning tezligi ba’zan 20–22 m/s gacha yetishi ehtimol qilinmoqda.
Tog‘ oldi va tog‘li hududlarning ayrim joylarida qisqa muddatli yomg‘ir yog‘ib, momaqaldiroq kuzatilishi mumkin. Shuningdek, sel-suv toshqinlari yuzaga kelish xavfi saqlanib qoladi.
