Toshkent shahar IIB YXHB axborot xizmatining bildirishicha, "jahli chiqqan haydovchi fuqaroni bosib ketdi" mazmunidagi xabarlar haqiqatga to‘g‘ri kelmaydi.
Aniqlanishicha, mazkur holat ehtiyotsizlik ortidan sodir bo‘lgan yo‘l-transport hodisasi hisoblanadi.
Olib borilgan dastlabki surishtiruvlarda qasddan urib yuborish holati tasdiqlanmagan. Ayni paytda holat yuzasidan tegishli organlar tomonidan tergovgacha tekshiruv ishlari davom etmoqda.
Rasmiylar fuqarolar va OAV vakillarini tekshirilmagan ma’lumotlarni tarqatmaslikka va faqat ishonchli manbalarga tayanishga chaqirdi.






