Ma'lum qilinishicha, mazkur yo'nalishda poyezdlar avval 06:00 dan 23:00 gacha qatnagan bo'lsa, endilikda yo'lovchilar uchun qo'shimcha qulaylik yaratish maqsadida ish boshlash vaqti bir soatga erta — 05:00 ga ko'chirildi.
Boshqa liniyalarda — Chilonzor, O'zbekiston va Yunusobod yo'nalishlarida esa poyezdlar harakati o'zgarishsiz qolib, har kuni 05:00 dan 00:00 gacha davom etadi.
Shuningdek, metropoliten tomonidan yangilangan rasmiy uzmetro.uz sayti ishga tushirilgani ma'lum qilindi. Unda tizim yangiliklari, loyihalar, xizmatlar, tariflar va yo'lovchilar uchun muhim ma'lumotlar muntazam e'lon qilib boriladi.
