Yangi yo‘l tumanida mast holda ayolni o‘pib, shaxsiy ma’lumotlarini tarqatish bilan qo‘rqitgan erkak ma’muriy qamoq jazosini oldi. Ayol esa pichoqni ochiq holda olib yurgani uchun jarimaga tortildi.
Toshkent viloyati Yangi yo‘l tumanida mast holda hamkasbiga nisbatan shahvoniy shilqimlik qilgan erkak uch sutkaga qamaldi. Darakchi.uz sud hujjatlariga tayanib xabar berishicha, 1998 yilda tug‘ilgan fuqaro ayolni uning roziligisiz o‘pib, jinsiy aloqa qilishni taklif qilgan va telefonidagi shaxsiy ma’lumotlarni tarqatish bilan qo‘rqitgan.
Sud qaroriga ko‘ra, u Ma’muriy javobgarlik to‘g‘risidagi kodeksning tegishli moddalari bilan aybli deb topilib, 3 sutka ma’muriy qamoq hamda 824 ming so‘m jarimaga tortildi. Voqea vaqtida oshxona pichog‘ini ochiq holda ko‘rsatgan ayol esa 206 ming so‘m jarima oldi.
