Маълум қилинишича, мазкур йўналишда поездлар аввал 06:00 дан 23:00 гача қатнаган бўлса, эндиликда йўловчилар учун қўшимча қулайлик яратиш мақсадида иш бошлаш вақти бир соатга эрта — 05:00 га кўчирилди.
Бошқа линияларда — Чилонзор, Ўзбекистон ва Юнусобод йўналишларида эса поездлар ҳаракати ўзгаришсиз қолиб, ҳар куни 05:00 дан 00:00 гача давом этади.
Шунингдек, метрополитен томонидан янгиланган расмий uzmetro.uz сайти ишга туширилгани маълум қилинди. Унда тизим янгиликлари, лойиҳалар, хизматлар, тарифлар ва йўловчилар учун муҳим маълумотлар мунтазам эълон қилиб борилади.
