AQSh katta miqdorda harbiy xarajatlar qilayotganiga qaramasdan, zamonaviy tahdidlarga qarshi to‘liq tayyor emasligi aytilmoqda. The New York Times tahliliga ko‘ra, bu holat ayniqsa Eron bilan bog‘liq vaziyatda yaqqol namoyon bo‘lgan.
Nashrga ko‘ra, katta xarajatlar va minglab nishonlarga zarba berilganiga qaramasdan, AQSh armiyasi Eronning javob qobiliyatini to‘liq izdan chiqara olmagan.
Hisobotda aytilishicha, AQSh harbiy tizimi arzon dronlarga qarshi zaif. Shuningdek, mudofaa sanoati zarur qurollarni tez sur’atda ko‘paytirish imkoniyatiga ega emas.
Shu bilan birga, Eron o‘z pozitsiyalarini kuchaytirib, Hormuz bo‘g‘ozi ustidan ta’sirini saqlab qolgani ta’kidlangan.
