Filippindagi qamoqxonaga terrorchilarning hujum qilishi oqibatida 130 nafar mahbus qochib ketishga muvaffaq bo`ldi, deb xabar berdi “Gazeta.ru” nashri.
Mahalliy jangarilarning hujumi natijasida qamoqxonadagi mahbuslar qochib ketgan. Hujum paytida qamoqxona qo`riqchilaridan biri halok bo`lgan, bir nafar mahbus yaralangan. Ayni vaqtda qochgan mahbuslardan 2 nafari qo`lga olingan, qidiruv ishlari davom etmoqda.
Mahalliy qishloq rahbarlaridan biri qishloq aholisi qamoqdan qochgan mahbuslarni tutishda hukumatga yordam berganini, bir nafar mahbusni qo`lga olishganini, mahbuslarning tinch aholiga hujum qilmasligi uchun barcha chora-tadbirlarni ko`rganligini ma`lum qildi.