O`zbek kinotomoshabinlariga “Muhabbat tafti” nomli hind seriali orqali tanish hindistonlik aktyor Barun Sobti o`zbek kinoijodkorlari tomonidan suratga olingan “Sevadi, sevmaydi” filmida suratga tushdi.
Taqdimoti 10 yanvar kuni bo`lib o`tishi kutilayotgan mazkur kinokartina haqida ma`lumot olish maqsadida “Daryo” film prodyuseri Ruslan Mirzaev bilan bog`landi.
Hindistonlik aktyor Barun Sobtining O`zbekistonga kelishi o`z vaqtida ancha shov-shuvga sabab bo`lgan edi. O`sha vaqtda u reklama roligi va klipda suratga tushish taklifiga rad javobini bergani haqida gap-so`zlar tarqalgan edi. Ayting-chi, hind aktyorini filmingizda suratga tushishga qanday ko`ndirdingiz?
— Filmda aynan Barun Sobtiga aloqador kadrlar bor edi. Uning O`zbekistonga mehmon bo`lib kelishi biz uchun ayni muddao bo`ldi. Filmda haqiqatan ham unga bog`liq kadrlar borligini tushuntirganimizdan so`ng, Sobti taklifimizga rozilik bildirdi. Hindistonlik aktyor “Sevadi, sevmaydi”da bosh rolni ijro etmagan, ammo filmni tomosha qilib, uning ijrosidagi sahnalar qiziqarli chiqqaniga guvohi bo`lasiz.
— Filmda bosh rollarni kimlar ijro etgan?
— Bosh rollarni O`zbekiston xalq artisti Murod Rajabov, O`zbekistonda xizmat ko`rsatgan artistlar Saida Rametova va Xosiyat Husanova, shuningdek, Sanjar Shodiev, Zuhra Solieva, Sitora Alimjonova, Umid Ergashev kabi aktyorlar ijro etgan.
— Film premerasiga Barun Sobti ham keladimi?
— Filmda rol ijro etgan boshqa aktyor-aktrisalar qatori Barun Sobtini ham taqdimotga taklif qilganmiz. Ammo kelish-kelmasligi masalasida aniq bir gap ayta olmayman.
10.05.2024, 15:14
Yig`ilishda kun tartibidagi ikkinchi masala – barcha joylarda “Sayxunobod” tajribasini jadallashtirish muhokama qilindi. Bu haqda Prezident matbuot xizmati xabar berdi.Bu borada boshlangan ishlar natijasida aprel...06.05.2024, 13:48
O`zbekistonda oxirgi 3 oy ichida qancha avtobus ishlab chiqarilgani ochiqlandi. Bu haqda Statistika agentligi xabar berdi. O`zbekistonda oxirgi 3 oy ichida qancha avtobus ishlab chiqarilgani ochiqlandi. Mart...19.04.2024, 15:45
Bugun, 19 aprel sanasida Hindistonda dunyodagi eng yirik parlament saylovlari boshlanadi. Bu haqda “RIO Novosti” ma`lum qildi.Etti bosqichdan iborat ovoz berishlarda 968 mln nafar ro`yxatga...13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...