O`zbekiston xalq artisti Ozodbek Nazarbekov 2017 yilda konsert bermasligini ma`lum qilganidan so`ng bu holat ijtimoiy tarmoqlarda, xonandaning muxlislari o`rtasida keng muhokama qilindi. Har kim bu holni turlicha baholadi.
“Yulduz Usmonova o`z konsert kunlarini qaytarib olish maqsadida Ozodbek Nazarbekovga aprel oyida konsert berishiga to`sqinlik qildi” qabilidagi mish-mishlar tarqaldi. Mana shu kabi mish-mishlar qay darajada rost yoki yolg`onligiga Ozodbek Nazarbekov jurnalist Jasur Hamroev bilan suhbatda to`xtalib o`tdi.
“Bu yil konsert berish-bermaslik g`oyasi o`tgan yili aprel oyi konsert paytida pado bo`lgan edi. Lekin ikkilanishlar ham bor edi. Odamlarga nima deymiz? Sabablarini qanday izohlaymiz, deb turganimizda, men juda ham hurmat qilgan, ustozim deb biladigan insonim Yulduz Usmonovaga konsert berish imkoni berildi. Shunda men konsertim uchun belgilangan kunlarni Yulduz opaga o`zim taklif qildim. ‘Mana shu sanalarda bemalol konsert berishingiz mumkin’, dedim, chunki bu kunlar mening konsertim uchun bront qilingan edi.
Yulduz Usmonova bilan munosabatlarimiz hech qachon sovuqlashmagan. Ular bilan hech qachon ziddiyatli munosabatda bo`lmaganmiz. Men ularni judayam hurmat qilganman. Bundan keyin ham hurmat qilaman. Aprel oyida Yulduz Usmonovaning konsert berishi meni o`zim konsert berishimdan ko`proq quvontiradi”,—deydi Ozodbek Nazarbekov.
“Yulduz Usmonovaning konsertida mehmon bo`lasizmi?” degan savolga Ozodbek Nazarbekov “albatta” deya javob berdi.
16.05.2022, 13:24
Mart oyida 15 kun konsert dasturini taqdim etgan Yulduz Usmonova 2 oy o`tib yana muxlislarini muhtasham saroyga chorlayapti. Bir yilda ikki marta va orasi ikki...
21.12.2021, 10:56
Bir muddat avval Madaniyat vaziri Ozodbek Nazarbekov 20 dekabr kuni poytaxtda “Toshkent yoshlar forumi–2021” doirasida yoshlar bilan uchrashgani haqida yozgandik.Ushbu uchrashuvdan so`ng, vazir bir guruh...
20.12.2021, 21:48
Madaniyat vaziri Ozodbek Nazarbekov 20-dekabr kuni poytaxtda “Toshkent yoshlar forumi–2021” doirasida yoshlar bilan bo`lib o`tgan uchrashuvda ijtimoiy tarmoqlarda vazirlik xodimlarining do`ppi kiyishi haqidagi muhokamalar bo`yicha...
29.07.2021, 17:47
Avvalroq, Yulduz Usmonovani Qoraqalpog`iston xalqi sudga bergani, xonanda betobligi sabab sudga bormagani haqida xabar bergan edik. Shundan so`ng Yulduz Usmonovaning sudi bo`yicha Toshkent shahar sudlari...
