Kecha “Nasaf” Antaliyada to`rtinchi nazorat uchrashuvida maydonga tushdi. Bu safar jamoaga Ozarbayjonning “Sumgait” klubi raqiblik qildi.
“Sumgait” jamoasi 2010 yili tashkil etilgan bo`lib, 2011 yildan Ozarbayjon premer ligasida ishtirok etib kelmoqda. Jamoaga mahalliy mutaxasis - Samir Abbasov murabbiylik qiladi.
“Nasaf” murabbiylari kechagi uchrashuvda legioner o`yinchilarni maydonga tushirishmadi. Ular dam olishdi va uchrashuvni zaxira o`rindig`ida tomosha qilishdi.
O`rtoqlik uchrashuvi maqomiga ega bo`lsa ham bugungi uchrashuv kurashlarga boy bo`ldi. Qarshiliklar raqibini 1:0 hisobida mag`lubiyatga uchratdi. Ikkinchi bo`limning 70-daqiqasida maydonga tushgan Sharof Muhitdinov, uchrashuvning 76-daqiqasida “Sumgait” darvozasini ishg`ol qildi. Ushbu golga jamoamizning tajribali hujumchisi Shaxboz Erkinov asisentlik qildi.
Shunday qilib, “Nasaf” o`tkazilgan to`rtta nazorat uchrashuvida ham bir xil – 1:0 hisobida raqiblarini mag`lubiyatga uchratdi. Jamoa navbatdagi nazorat uchrashuvini Ukrainaning “Karpati” jamoasiga qarshi o`tkazadi. Uchrashuv 18 yanvar kuni o`tkazilishi rejalashtirilgan.