Ispaniya terma jamoasi hamda “Barselona” klubi yarim himoyachisi Andres Inesta Qirolicha Sofiya nomidagi mukofotga loyiq deb topildi. Bu haqda AS xabar bermoqda.
“Barselona” faxriysi mamlakat sporti rivojlanishiga qo`shgan hissasi uchun mazkur sovrin bilan taqdirlarndi. Tajribali futbolchi mukofotni Qirolicha Sofiyaning qo`lidan qabul qilib oldi.
Garchi Inesta ushbu mukofotga ega bo`lishi oktyabr oyida ma`lum bo`lgan bo`lsa-da, taqdirlash marosimi 23 yanvar kuni Madriddagi El-Pardo saroyida bo`lib o`tdi.