​“Oskar” mukofotiga sazovor bo`lolmagan mashhur aktrisalar

26 fevral kuni “Oskar”ning 89-chi taqdimot marosimi bo`lib o`tadi, deb xabar beradi “Onedio.ru” nashri.

Bu tadbir qaysidir aktyor uchun quvonchga to`la, ulkan bayramga aylansa, kim uchundir tushkunlik kuni bo`ladi.

1. Skarlett Yoxansson

Qizil yo`lakchaning yorqin yulduzi bo`lgan Skarlett Yoxanssonning nomzodi biror marta “Oskar”ga qo`yilmagan.

2. Xelena Bonem Karter

“Oltin globus”ga 7 marta, “Oskar”ga 2 marotaba nomzodi qo`yilgan Xelenaning hali omadi kelmadi. U g`alaba sari uzoq yo`l bosdi, biz uning g`alabaga erishishida omad tilaymiz!

3. Sheron Stoun

Sheron Stounning ko`rkam ayolligi “Oskar” mukofotini qo`lga kiritishi uchun kamlik qildi.

4. Mishel Pfayffer

58 yoshli Mishel haykalchaga ega bo`lish uchun uch marta harakat qildi, ammo orzusiga erisholmadi.

5. Emi Adams

Kinoda 18 yildan beri faoliyat yuritishiga, 5 marotaba nomzodi qo`yilganiga qaramay, Emi “Oskar”ga loyiq ko`rilmadi.

6. Glenn Klouz

6 marotaba nomzodi qo`yilgan Glennga ming afsuski, “Oskar” armon bo`lib qoldi.

7. Jessika Chesteyn

39 yoshli Jessikaning “Oskar” mukofotini qo`lga kiritishiga hali imkoni borligiga umid qilamiz!

8. Merilin Monro

Merilinga “Oskar” mukofoti kerak emas. U barcha mukofotlardan yuqori turadi!

9. Naomi Uotts

Naomi mukofotga haqli bo`lgan aktrisalardan biri, ammo unga erishish uchun aktrisaning sabri etarmikan?

10. Kemeron Diaz

44 yoshli Kemeron dunyoga mashhur aktrisalardan biri bo`lishiga qaramay, “Oskar” mukofotiga nomzodi qo`yilmagan...

11. Rita Xeyvort

Afsonaviy Gollivud aktrisasi Rita Xeyvort suratga tushgan filmlarni sanash uchun anchagina vaqtingiz ketsa-da, u biror marta mukofotga loyiq ko`rilmagan.

12. Kira Naytli

Kira Naytli bir qancha mukofotlarga sazovor bo`lgan bo`lsa-da, “Oskar” haykalchasini qo`lga ushlash baxtiga erisholmagan.

13. Viola Devis

Viola uchun bu uchinchi urinishdir. Uchinchi marotaba degani o`ninchi marta degani emas. Ammo uning iqtidorini ilgariroq sezish kerak edi!

14. Mishel Uilyams

36 yoshli Mishel bu yil to`rtinchi marotaba mukofot uchun kurashadi. Unga muvaffaqiyat tilaymiz!

15. Meg Rayan

Meg 55 yoshga kirganiga qaramay, haligacha shu kichkina haykalchani qo`lga olish baxtiga muyassar bo`lolmadi. Jyurilarning shu paytgacha qayoqqa qaraganiga hayron bo`lasan, odam...