Rossiyaning Chelyabinsk viloyatida yashovchi erkak chaqaloq farzandini o`ldirdi va jinoyat izlarini yashirish maqsadida tergovni chalg`itishga urindi, deb xabar berdi “Tvzvezda.ru” nashri.
“Ayblanuvchi spirtli ichimlik iste`mol qilgan holda bir necha oylik bo`lgan chaqaloq o`g`lini bo`g`ib o`ldirgan. Uning bunday yo`l tutishiga bolaning yig`isi sabab bo`lgan”, deydi tergovchi.
Tergov jarayonida, ota farzandining jasadidan qutulish maqsadida uni Boshqirdistondan Sverdlov viloyatiga yo`lga chiqqan poezdning yuk vagoniga tashlagan. Poezd manzilga etib borganda bolaning jasadi aniqlangan. Jasad aynan qaysi bekatdan yuk vagoniga tashlanganini aniqlash uchun tergovchilarga ancha vaqt kerak bo`ldi.
