Rossiyaning Primore o`lkasida chegarachilar Rossiya chegarasini noqonuniy ravishda buzib o`tgan xitoylik erkaklarni qo`lga oldi, deb xabar berdi “Ntv.ru” nashri.
Qonunbuzarlar fevral oyining boshida Ussuriyskda qo`lga olindi. Xitoyliklar Rossiya hududiga yaxshi hayot va baliq izlab o`tgan.
RF hududiy FXXning bergan ma`lumotiga ko`ra, qonunbuzarlarga nisbatan “Davlat chegarasini noqonuniy buzib o`tish” aybi bilan jinoyat ishi qo`zg`atilgan. Ayblanuvchilardan biri tergovchining “Nima uchun chegarani noqonuniy ravishda buzib o`tdingiz?” degan savoliga “Chunki bu erda baliq ko`p”, deb javob berdi. Mazkur “baliq ovi” uchun xitoyliklar ikki yilgacha ozodlikdan mahrum etilishlari mumkin.
