​Rossiyada omborxona tomi qulashi oqibatida uch nafar O`zbekiston fuqarosi halok bo`ldi

Rossiya Federasiyasi Favqulodda vaziyatlar vazirligi ma`lumotiga ko`ra, 2017 yil 10 fevral kuni Moskva vaqti bilan 16:05da Tula oblasti Chernsk rayoni Popovka qishlog`idagi “Maksim Gorkiy” MChJ omborxonasining tom qismi qulab tushishi sodir bo`lgan.

Voqea oqibatida 3 nafar O`zbekiston Respublikasi fuqarolari voqea joyida halok bo`lgan:

1. Oybek Iskandarov, 1992 y. t.

2. Xurshid Qurbonov, 1992 y. t.

3. Xasanboy Ro`zimetov, 1992 y. t.

Xozirgi vaqtda O`zbekiston Respublikasi FVV va TIV tomonidan vafot etganlarning oila a`zolariga zaruriy yordam ko`rsatish choralari olib borilmoqda.

"Pervy Tulskiy" telekanalining oydinlik kiritishicha, IIV tomga ko`p qor yig`ilganligi sababli qulaganligi talqinini ilgari surmoqda.

O`zbekiston fuqarolari Tulada qonuniy mehnat faoliyati bilan shug`ullanishgan bo`lib, barcha zaruriy hujjatlari bo`lgan. Halok bo`lganlarning jasadlari O`zbekistonda dafn etiladi.

Omborxona tegishli bo`lgan korxona rahbariyati sex binosining tomi 2011 yilda qayta ta`mirlanganini ma`lum qildi. Kompaniya rahbarlarining so`zlariga ko`ra, halokatga haroratning keskin o`zgarishi sabab bo`lgan.

Ayni damda tom qulashi hodisasi bo`yicha jinoiy ish qo`zg`atilgan.