Yangi mavsumga tayyorgarlikning muhim bosqichlaridan birini Antaliyada o`tkazgan “Lokomotiv” ikki hafta ichida to`rtta o`rtoqlik uchrashuvida maydonga tushdi.
“Temiryo`lchilar” dastlab Turkmanistonning “Oltin Asr” klubini 1:0 hisobida mag`lub etishdi. Ikkinchi uchrashuvda Bosniya va Gersegovinaning “Saraevo” klubi bilan 1:1 hisobida durang o`ynaldi. Keyingi ikki bellashuvda esa "temiryo`lchilar" imkoniyatni boy berdi. “Lokomotiv” Qozog`istonning “Ordabasi” klubiga 1:2, va oxirgi o`yinda Ukrainaning “Zarya” klubiga 0:1 hisobida mag`lub bo`ldi.
Albatta, o`rtoqlik uchrashuvlaridan ko`zlangan maqsad jamoaning mavsumga tayyorgarligini ko`zdan kechirib olish bo`lgani uchun bunda natija katta rol o`ynamadi. “Lokomotiv” bugun “Zarya”ga qarshi to`p surdi.
Uchrashuvning birinchi taymi “Loko” ustunligida kechdi. Jamoamizda ikki-uch bor gol urish imkoniyati yuzaga keldi. Tanaffusdan so`ng esa tashabbus ko`proq ukrainlar tomonida bo`ldi. 84-daqiqada “Zarya” futbolchisi Artem Suxoskiy to`p kiritib hisobni ochdi. Va yakunda bu gol oxirigacha saqlanib qoldi.
Umuman olganda, ikkinchi xorij yig`ini haqida gapiradigan bo`lsak, Turkiyadagi mashg`ulotlar yaxshi saviyada kechdi. Futbolchilarimiz har bir mashg`ulotda ter to`kib mehnat qilishdi. Endi buyog`iga “Lokomotiv”ni juda qiziqarli va uzoq mavsum kutib turibdi. Jamoamiz bu yil ham o`zi ishtirok etadigan har uchala musobaqada (O`zbekiston chempionati, O`zbekiston Kubogi va Osiyo chempionlar ligasi) birinchi o`rinni qo`lga kiritish maqsadida kurash olib boradi.
Buning uchun jamoamizda kuch va salohiyat, shuningdek iqtidorli futbolchilar etarli. “Temiryo`lchilar” oldida turgan birlamchi vazifa 20 va 27 fevral kunlari bo`lib o`tadigan “Al Taavon” hamda “Al Ahli” bilan kechadigan o`yinlarda ijobiy natija qayd etish hisoblanadi. Bu borada jamoamizga omad tilab qolamiz.
O`rtoqlik uchrashuvi. 12 fevral
LOKOMOTIV – ZARYa 0:1
Gol: Artem Suxoskiy, 84.
“Lokomotiv” tarkibi:
Ma`mur Ikromov
Salim Mustafoev (Farrux Ibrohimov, 72)
Sherzod Fayziev (Muhammad Kone, 65)
Kaxi Maxaradze
Islom To`xtaxo`jaev
Timur Kapadze
Quvondiq Ro`ziev (Salamat Qutiboev, 46)
Oleg Zoteev (Shuhrat Muhammadiev, 65)
Sardor Mirzaev (Diyor Turopov, 65)
Jaloliddin Masharipov
Murod Bobojonov (Marat Bikmaev, 46)
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
07.05.2022, 09:03
Xabaringiz bor 17-18 may kunlari Toshkentda Italiya va O`zbekiston futboli afsonalari uchrashuvi o`tkazilishi rejalashtirilgan. O`zbek futbolining 110 yilligiga bag`ishlab o`tkazilayotgan ushbu o`yinda uzoq yillar davomida...
23.10.2021, 22:16
Superliganing 23-turidan o`rin olgan "Qo`qon-1912" - "Lokomotiv" (2:1) uchrashuvidan so`ng mehmonlar bosh murabbiyi Mikael Sekeyra fikrlarini bildirib o`tdi.Portugaliyalik mutaxassis o`yindan keyin o`zbek futbolidagi tizimni keskin...
22.10.2021, 14:47
Bortida Olmaotaning “Qayrat” klubi futbolchilari va murabbiylar shtabi bo`lgan samolyot halokatga uchradi. Bu haqda Vesti.kz xabar bermoqda.Qayd etilishicha, baxtsiz hodisa Olmaota xalqaro aeroportida ro`y bergan. FlyJet...
