Yong`in kechqurun, cherkovda hech kim yo`q paytida boshlangan, deb xabar berdi “Tjournal.ru” nashri.
11 fevral kuni Buyuk Britaniyaning Solford shahrining sharqiy Manchester qismida joylashgan “Me`roj cherkovi” (Church of the Ascension) batamom yonib ketdi. Yong`inga gaz chiqishi sabab bo`ldi.
Mazkur cherkov 1870 yilda qurilgan bo`lib, u nasroniy diniga sig`inuvchi odamlarni hozirgacha qabul qilgan. Zudlik bilan etib kelgan o`t o`chiruvchilar yong`indan hech kim jabrlanmaganligini ma`lum qildi. Olov binoni tezda qamrab olgani uchun o`t o`chiruvchilar cherkov atrofida yashaydigan odamlardan derazani ochmaslikni, ko`chaga chiqmaslikni talab qildi. Yong`in shaharning hamma nuqtasidan ko`rindi.
![](http://new.darakchi.uz/storage/46/41/f6/13970/conversions/bzm8uigsa7ckp214vcp1mz2vo-xl.jpg)
![](http://new.darakchi.uz/storage/95/e2/b3/13971/conversions/g1vl2lxz6n73qgh7a39qtl3ja-xl.jpg)
![](http://new.darakchi.uz/storage/c4/d8/56/13972/conversions/u5p1vbmybhu8vqzbw8jt9csov-xl.jpg)