Xonanda Shohruhxon 11-13 fevral kunlari “Istiqlol” san`at saroyida o`zining “Shaydo” deb nomlangan yakkaxon konsert dasturini taqdim etdi.
“Darakchi.uz” jamoasi konsert dasturida mehmon bo`ldi.
Xonandaning konserti “O`zbekiston” nomli vatanparvarlik ruhidagi tarona bilan boshlandi. Xonandaning fan klubi a`zolari,raqqosalar yordamida O`zbekiston bayrog`ini sahnada aks ettirgani tomoshabinlarning olqishiga sazovor bo`ldi.
Shundan so`ng Shohruhxon Charli Chaplin obrazida namoyon bo`ldi. Konsert boshidan oxiriga qadar Charli Chaplin obrazi Shohruhxonga hamrohlik qildi. U xonandaning “men”ini aks ettirdi.
Shohruhxon konsert avvalida onasi haqida so`zlab, unga guldasta hadya etdi. “Ijozat bersangiz, qo`limdagi guldastani hayotimdagi eng yaqin isnonimga taqdim etsam. Bir voqea hech esimdan chiqmaydi. 4-sinfda o`qirdim. Bir kun uyga kelsam, onam o`yga tolib o`tirgan ekanlar. O`shanda onam menga ‘O`g`lim, sen kelajakda yaxshi san`atkor bo`lishing kerak’, degan edilar. Yaxshi san`atkor bo`ldimmi, yo`qmi bilmayman. Lekin har kuni tongda uyg`onganimda onamning orzularini ro`yobga chiqarishga harakat qilaman”, dedi Shohruhxon onasi Zebo Navro`zovaga qarata.
Konsertda “Shaydo”, “Malikam”, “Yoningdaman”, “Jonim dadam” kabi bir qator yangi taronalar bilan bir qatorda “Yulduzlar”, “Farqi yo`q”, “Yig`lama”, “Darak yo`q”, “Aldamadim”, “Parizod”, “Alo”, “Komila qiz”, “Qo`g`irchoq” kabi muxlislar qalbidan munosib o`rin egallagan xit taronanalar ham ijro etildi.
“Jonim dadam” deb nomlangan yangi qo`shiqqa ishlangan ta`sirli klip qo`shiq ijro etilayotgan paytda namoyish etildi. Otalarga atalgan bu tarona muxlislarni chuqur ta`sirlantirdi. Konsert dasturida mehmon bo`lgan xonanda Shahzoda ijtimoiy tarmoqlardagi sahifalarida “Jonim dadam” uni o`ta ta`sirlantirganini aytib, shu qo`shiqni tinglagach, yig`laganini ma`lum qildi.
Xonanda sho`x taronalaridan birini ijro etayotganida raqqosa qiz bilan raqsga tushdi. Qo`shiq tugaganidan so`ng esa zalda o`tirgan rafiqasi aktrisa Asal Shodievaga qarab “Men bu qizni tanimayman” deya xazil qildi. Bu holat tomoshabinlar yuziga tabassum yugurishiga sabab bo`ldi.
“Yulduzlar” taronasi yangicha talqinda ijro etildi. Mazkur qo`shiqni aktrisa Zarina Nizomutdinova, reper Shahriyor va Shohruhxon birgalikda ijro etdi.
Shohruhxon o`zini aks ettirgan Charli Chaplinning qo`lidagi qog`ozda yozilgan xatni o`qib berishi ham konsertning ta`sirli sahnalaridan biri bo`ldi. Unda Shohruhxon “Hayoti qo`shiqqa, qo`shiq esa hayotiga aylangani”ni aytib o`tdi.
Konsertda Shohruhxonning ukasi Shuhrat ham qo`shiq ijro etdi. Xonanda bu holatni xazil tariqasida “Ukam Shuhrat ‘Aka, konsertingizda bitta qo`shiq ijro etmasam bo`lmaydi, iltimos, bitta qo`shiq aytay’, deb iltimos qildi. Uning qo`shig`i menga yoqdi. Tinglab ko`ring, balki sizga ham yoqar”, deya izohladi.
Shohruhxon konsertdan so`ng bergan intervyusida dasturda o`ziga eng yoqqan taronasi “Jonim dadam” bo`lganini e`tirof etdi. O`zining qachon dada bo`lishi haqidagi savolga esa xonanda quyidagicha javob berdi:
“Qancha tez bo`lsa, shuncha yaxshi”.
Konsertning so`nggi, uchinchi kunida xonandaning ko`plab hamkasblari, jumladan, Shahzoda, Nilufar Usmonova, Ziyoda, Umidaxon, Rayhonlar mehmon bo`lishdi. Shahzoda, Nilufar Usmonova, Ziyodalar konsert tugagunicha zalda o`tirishdi.
Bir so`z bilan aytganda, Shohruhxonning “Shaydo” deb nomlangan yangi konserti uning muvaffaqiyatli konsert dasturlari sonining yana bittaga ko`paytirdi, deb ayta olamiz.
05.11.2019, 10:28
2 noyabr kuni Shohruhxon 54 yoshga to`ldi va tabiiyki, Bollivud yulduzining ijtimoiy tarmoqlardagi akkauntlari do`stlari va muxlislarining yaxshi tilaklariga to`lib toshgani aytilmoqda.Biroq tabriklarning eng hayratlanarlisi...
24.07.2019, 10:32
Bu haqida xonanda o`zining ijtimoiy tarmoqdagi sahifasida ma`lum qildi. Quyida ushbu muhim kundan fotolarni tomosha qilishingiz mumkin.
24.07.2018, 10:27
Internet tarmoqlarida o`zbek kino yulduzlarining yangi qiyofalari paydo bo`ldi... Avval hech ham bunday tarixiy obrazda namoyon bo`lmagan mashhurlarning suratlarini sizlarga ham “ilindik”... Ma`lumot o`rnida: Ushbu...
10.07.2018, 17:08
Maftunkor va jozibali o`zbek aktrisasi Asal Shodieva yangi fotosessiya taqdim etdi... O`zbekona stildagi bu jamlamada Asalni umuman o`zgacha qiyofada ko`rish mumkin. Ma`lumotlarga qaraganda, yangi fotosessiya...
