Osiyo Chempionlar Ligasi–2017 turniri “A” guruhi 2-turidan o`rin olgan “Lokomotiv” – “Al-Ahli” uchrashuvi oldidan tashkil etilgan matbuot anjumanining ikkinchi qismida “temiryo`lchilar” ustozi Andrey Miklyaev va hujumchi Jaloliddin Masharipov ishtirok etdi.
“Ertangi uchrashuv mas`uliyatini his qilib turibmiz. O`tgan turda ochko yo`qotganimiz yomon bo`ldi. “Al-Ahli” kuchli jamoa bo`lsa-da, ularni mag`lubiyatga uchratishga harakat qilamiz. Ertaga hujumkor o`yin namoyish qilamiz. Futbolchilarda jarohatlar bo`lgani uchun “Al-Taavon”ga qarshi o`yinda Jaloliddin Masharipov hujumda sinab ko`rdik. Ikrom Aliboev hamon jarohatda, uning tizzasida muammo bor. Shuningdek, Murod Bobojonov va Diyor Turopov ertaga maydonga tusha olmaydi.
Marat Bikmaev o`tgan turda raqibning provokasiyasiga uchradi. O`yindan keyin u bilan suhbatlashib, asabni jilovlash kerak ekanini aytdik. Ignatiy Nesterov “Al-Taavon” bilan o`yinda xato qildi, ammo u hamon asosiy darvozabon. Bunday xatolar boshqa takrorlanmaydi deb o`ylaymiz”, – dedi Miklyaev.
“Osiyoning eng yaxshi jamoalaridan biri bilan o`ynaymiz. Ochko yo`qotmasligimiz kerak. Eng asosiysi bo`lajak o`yinda 3 ochko olish. “Lokomotiv”ga o`tganimda biroz hayajon bo`ldi, ammo murabbiy va futbolchilar yaxshi kutib oldi, ular bilan chiqishib ketdik. “Lokomotiv” hamon OChL yarim finaliga chiqishga ishonadi. Dastlabki turdagi mag`lubiyatga qaramay, rahbariyat qo`ygan maqsadni amalga oshiramiz”, – dedi Masharipov.
Eslatib o`tamiz, “Lokomotiv” va “Al-Ahli” uchrashuvi ertaga, 27 fevral kuni TTZ mavzesida joylashgan “Lokomotiv” stadionida bo`lib o`tadi. O`yin 16:00 da start olishi rejalashtirilgan.
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
07.05.2022, 09:03
Xabaringiz bor 17-18 may kunlari Toshkentda Italiya va O`zbekiston futboli afsonalari uchrashuvi o`tkazilishi rejalashtirilgan. O`zbek futbolining 110 yilligiga bag`ishlab o`tkazilayotgan ushbu o`yinda uzoq yillar davomida...
23.10.2021, 22:16
Superliganing 23-turidan o`rin olgan "Qo`qon-1912" - "Lokomotiv" (2:1) uchrashuvidan so`ng mehmonlar bosh murabbiyi Mikael Sekeyra fikrlarini bildirib o`tdi.Portugaliyalik mutaxassis o`yindan keyin o`zbek futbolidagi tizimni keskin...
22.10.2021, 14:47
Bortida Olmaotaning “Qayrat” klubi futbolchilari va murabbiylar shtabi bo`lgan samolyot halokatga uchradi. Bu haqda Vesti.kz xabar bermoqda.Qayd etilishicha, baxtsiz hodisa Olmaota xalqaro aeroportida ro`y bergan. FlyJet...
