Polisiyachilar qo`lga olishni istamagan amerikalik yigit sevgan qizi va o`g`lini otib tashladi, deb xabar berdi Lenta.ru nashri.
Mahalliy vaqt bilan soat 3:20 da juftlik o`rtasida nizo chiqdi. Allen Kesh polisiyaga qo`ng`iroq qilib, sevgan qizi Latin Xerring uyining kalitini o`g`irlaganligini ma`lum qildi. Voqea joyiga etib kelgan polisiyachilar yigit va qizning bahslashayotganini ko`radi, ammo ularni qo`lga olmaydi.
Oradan 20 daqiqa o`tgach, Kesh va Xerringlar uyga kirgandan keyin yana polisiyaga qo`ng`iroq bo`ldi. Etib kelgan polisiyachilar yana juftlikning urishayotgani ustidan chiqdi, lekin ularning janjaliga aralashish polisiyaning vakolatiga kirmaydi, deb hisobladi va ayolga “Bema`ni ayblovlaringiz bilan 911 ga qo`ng`iroq qilishni bas qiling!”, dedi Xerringga polisiyachilardan biri. Yigit uydan chiqib ketgandan keyin polisiyachilar ham ketdi.
Oradan 2 soat o`tgach, Kesh qo`lida to`pponcha bilan qaytib kelib, eshikni buzib kirdi. Xerring va uning 8 yoshli o`g`lini otib o`ldirdi, qizning otasini va yana bir o`g`lini yaraladi. Qochib ketayotgan Kesh yana 2 nafar yo`lovchiga qarata o`q uzib, ularni ham yaraladi. Unga nisbatan qasddan jinoyat sodir etish ayblovi qo`yilib, jinoyat ishi qo`zg`atildi.
