Полициячилар қўлга олишни истамаган америкалик йигит севган қизи ва ўғлини отиб ташлади, деб хабар берди Lenta.ru нашри.
Маҳаллий вақт билан соат 3:20 да жуфтлик ўртасида низо чиқди. Аллен Кэш полицияга қўнғироқ қилиб, севган қизи Латин Хэрринг уйининг калитини ўғирлаганлигини маълум қилди. Воқеа жойига етиб келган полициячилар йигит ва қизнинг баҳслашаётганини кўради, аммо уларни қўлга олмайди.
Орадан 20 дақиқа ўтгач, Кэш ва Хэрринглар уйга киргандан кейин яна полицияга қўнғироқ бўлди. Етиб келган полициячилар яна жуфтликнинг уришаётгани устидан чиқди, лекин уларнинг жанжалига аралашиш полициянинг ваколатига кирмайди, деб ҳисоблади ва “Бемаъни айбловларингиз билан 911 га қўнғироқ қилишни бас қилинг!”, деди аёлга полициячилардан бири. Йигит уйдан чиқиб кетгандан кейин полициячилар ҳам кетди.
Орадан 2 соат ўтгач, Кэш қўлида тўппонча билан қайтиб келиб, эшикни бузиб кирди. Хэрринг ва унинг 8 ёшли ўғлини отиб ўлдирди, қизнинг отасини ва яна бир ўғлини яралади. Қочиб кетаётган Кэш яна 2 нафар йўловчига қарата ўқ узиб, уларни ҳам яралади. Унга нисбатан қасддан жиноят содир этиш айблови қўйилиб, жиноят иши қўзғатилди.
