Madridning “Real” jamoasi EChL chorak finalida ikki o`yin natijasiga ko`ra “Bavariya”ni mag`lubiyatga uchratdi.
Madridliklar safarda 2:1 hisobida g`alaba qozongan bo`lsa, o`z maydonida 4:2 hisobida zafar quchdi.
Shu tariqa, “Real” EChLda qatorasiga ettinchi marta yarim finalga chiqqan dastlabki klub sifatida qayd etildi. “Qirollik klubi” shu davr mobaynida ikki marta – 2014 va 2016 yillarda EChL chempioni bo`lishgan edi.
“Real”dan aval yaxshi natija “Barselona”ga tegishli edi. Kataloniyaliklar 2007/08 yilgi mavsumdan 2012/13 yilgi mavsumga qadar ketma-ket olti mavsum yarim finalga chiqqan.
