“Barselona” jamoasi EChL chorak final javob o`yinida “Kamp Nou”da “Yuventus” bilan 0:0 hisobida durang o`ynadi. Dastlabki uchrashuvda turinlilar 3:0 hisobida zafar quchgani tufayli Massimiliano Allegri jamoasi yarim finalga chiqdi, kataloniyaliklar esa musobaqa bilan xayrlashdi.
Mazkur o`yinda “Barselona” etakchisi Lionel Messi juda yomon natijani qayd etdi, deb yozadi Sports.uz nashri. Argentinalik hujumchi “Yuventus” darvozasi tomon 5 ta hujum uyushtirishga erishdi va ularning barchasi samarasiz yakun topdi.
Messi bunday yomon ko`rsatkichni 2011 yil sentyabrida, Belarusning BATE klubiga qarshi uchrashuvda qayd etgan. Messi BATEga qarshi uchrashuvda olti marta hujumlardan samarasiz fodalangan.
