Angliya Kubogi musobaqasining birinchi yarim finalida “Chelsi” jamoasi “Tottenxem” futbolchilariga qarshi bahs olib bordi.
“Uembli” stadionida kechgan o`yinda “Chelsi” 4:2 hisobida g`alaba qozonib, final yo`llanmasini qo`lga kiritish uddasidan chiqdi.
Uchrashuv boshidayoq Villian mezbonlarni oldinga olib chiqqan bo`lsa, 18-daqiqada Xarri Keyn muvozanatni tikladi. Birinchi bo`lim so`nggida Villian penaltini aniq bajarib, o`zining va jamoasining ikkinchi goliga mualliflik qildi.
Uchrashuvning 52-daqiqasida Deli Alli yana hisobni tenglashtirishga erishdi. Biroq, oradan ko`p o`tmay ya`ni 75-daqiqada Eden Azar hisobni 3:2 ko`rinishiga keltirgan bo`lsa, besh daqiqadan so`ng Matich uchrashuvga mantiqiy nuqtani qo`ygan golga mualliflik qildi.
Shu tariqa ushbu g`alabadan so`ng “Chelsi” Angliya Kubogi birinchi finalchisiga aylandi. Ikkinchi final yo`llanmasi uchun “Arsenal” va “Manchester Siti” bahs olib boradi.
Angliya Kubogi. 1/2 final
Chelsi – Tottenxem 4:2
Gollar: 1:0 – 5 Villian, 1:1 – 18 Keyn, 2:1 – 43, penalti Villian, 2:2 – 52 Alli, 3:2 – 75 Azar, 4:2 – 80 Matich.
Chelsi – Kurtua, David Luiz, Ake, Alonso, Aspilikueta, Matich, Mozes, Villian (Azar, 61), Kante, Pedro (Fabregas, 74), Batshuayi (Diego Kosta, 61).
Tottenxem – Loris, Alderveyreld, Vertongen, Tripper, Eriksen, Dembele, Vanyama (Nkudu, 80), Dayer, Alli, Son Xin Min (Uoker, 68), Keyn.
Ogohlantirishlar: Alderveyreld (4), Alonso (45), Alli (73).
