​Prezident Shavkat Mirziyoev Shayxontohur tumanida bunyod etiladigan ko`ngilochar istirohat bog`i loyihasi bilan tanishdi

Jamiyat 26.05.2017, 16:56
Teglar: Toshkent, Shavkat Mirziyoev, Prezident
​Prezident Shavkat Mirziyoev Shayxontohur tumanida bunyod etiladigan ko`ngilochar istirohat bog`i loyihasi bilan tanishdi

Prezidentimiz Shavkat Mirziyoev Shayxontohur tumanining Beltepa va Jarariq ko`chalari kesishgan joyda barpo etilayotgan ko`ngilochar istirohat bog`i qurilishini ko`zdan kechirdi, deb yozadi O`zA.

Mazkur bog` konsepsiyasida milliy me`morlik an`analari va zamonaviy shaharsozlik talablari uyg`unligiga alohida e`tibor qaratilgan. Bog` hududi 10 gektar bo`lib, bu erda ko`ngilochar maskanlar, zamonaviy attraksionlar, bionik ayvonlar, qishki bog`, charxpalak, musiqali favvoralar, skeytbord va chang`i uchish joylari, velosiped yo`laklari, istirohat bog`i bo`ylab dor yo`li, kafelar, 5 qavatli avtomobillar turar joyi qurilishi rejalashtirilgan.

Ushbu bog`dagi yopiq ko`ngilochar maskanlar yilning to`rt faslida ham odamlar hordiq chiqarishi uchun keng imkoniyat yaratadi. Bog` hududiga quyosh energiyasi yordamida ishlaydigan yoritish ustunlari va zamonaviy soyabonlar o`rnatiladi.

Hudud musaffoligini ta`minlash maqsadida boqqa kashtan, qarag`ay, yapon saforasi, magnoliya, dub, qayin kabi havoni tozalovchi va kislorod bilan boyituvchi daraxtlar, turli butalar ekiladi.

Istirohat bog`ida umumxalq bayramlari, ommaviy tomoshalar, konsert dasturlari, ko`rgazma va forumlar, sport musobaqalari o`tkazish imkoniyati yaratiladi. O`g`il-qizlar uchun turli hunarmandlik, sport to`garaklari, mahorat darslari tashkil etiladi.

Loyihani amalga oshirish uchun birinchi bosqichda 18 million dollar, ikkinchi bosqichda 22 million dollar mablag` o`zlashtirilishi mo`ljallanmoqda.

Bog`ning birinchi bosqichini 2018 yilda, ikkinchi bosqichini 2019 yilda foydalanishga topshirish rejalashtirilgan. Ko`ngilochar bog` to`liq ishga tushgach, 350 kishi ish bilan ta`minlanadi.

Davlatimiz rahbari bog` loyihasi bilan tanishar ekan, mazkur maskan poytaxtimiz aholisi va mehmonlarning sevimli dargohlaridan biri bo`lishi kerakligini, odamlar hordiq chiqarishi uchun barcha zarur qulayliklar, atrof-muhit musaffoligini ta`minlaydigan infratuzilma barpo etish lozimligini ta`kidladi.

Bizning eng muhim vazifamiz – odamlarning fidokorona mehnati va dam olishi uchun munosib shart-sharoitlar yaratishdan iborat, dedi Shavkat Mirziyoev. Bu erda sayr qilish uchun imkoniyat yaratish va turli attraksionlar o`rnatish bilan cheklanmay, bu maskanni katta-yu kichik uchun sevimli hordiq maskaniga aylantirish zarur.

Mutasaddi rahbarlarga qurilish ishlarini sifatli amalga oshirish, obodonlashtirish ishlarida manzarali daraxt va butalarni ko`proq ekish bo`yicha zarur ko`rsatmalar berildi.

Prezidentimiz ko`rsatmalariga muvofiq poytaxtimizda bunyod etiladigan Qoraqamish istirohat bog`i, “Eski shahar” savdo markazi, ko`p qavatli turar-joylar, talabalar milliy ilmiy-ma`rifiy markazi, Islom madaniyati markazi loyihalari yanada takomillashtirildi.

Islom Karimov ko`chasida 3,5 ming o`rinli Universal sport saroyi, Maxtumquli ko`chasida Ashxobod bog`i, Shayxontohur tumanida zamonaviy savdo markazi, Alisher Navoiy nomidagi O`zbekiston Milliy bog`ida Yozuvchilar uyushmasi binosini qurish bo`yicha loyihalar ishlab chiqildi.

Davlatimiz rahbari ushbu loyihalar bilan tanishdi, ularning qurilishini tezlashtirish bo`yicha mutasaddilarga tegishli topshiriqlar berdi.

Sharhlar

Toshkentda 9-sinf o`quvchisi odamlarni is gazidan saqlab qoladigan ixtiro yaratdi (video)

17.11.2023, 09:49

3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
Kechagi yomg`irdan so`ng Toshkent markazidagi yangi "dom"ning eri cho`kib, tagi ochilib qoldi (video)

10.11.2023, 12:45

Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
Toshkentda pod`ezdda qizga tegajog`lik qilgan yigit ushlandi (video)

06.09.2023, 10:12

Kecha, 4 sentyabr kuni Toshkent shahri Mirzo Ulug`bek tumanida noma`lum shaxs pod`ezdga kirib ketayotgan qizga hujum qilgani haqida xabar qilingan edi. Ayni paytda Toshkent shahar IIB...
Toshkentda yomg`ir sabab xonadonlarning balkonlari qulab tushdi (video va foto)

03.04.2023, 10:05

Kecha, 2 aprel kuni Toshkent shahrida kuchli yomg`ir yog`ishi oqibatida turli suv toshqinlari yuzaga keldi. Ma`lum qilinishicha, poytaxtda bir necha soat ichida oylik yog`inning uchdan...
Ob-havo: Toshkent
Valyuta kursi
1